Presse
PLATTart im Fernsehen!
26. September 2010
Moin erst mal! Ick bün Ludger Abeln un arbeit bi de NDR för en Bült van Sendungen. En Format is mie avers van Harten wichtig: de Sendung för de Plattdüütschen Tokiekers. „Plattdüütsch-Frühschoppen mit Ludger Abeln“ löpp een mal in’t Maant un kump jümmers ut en anner Region. Wie laden uns Gaste in un proten, schnacken of küren en halv Stünd över Dit un Dat. Wenher dat geiht sünd wie in en Kneipe. Dor sitten dann Lüh as Schauspölerin Sandra Keck, XXL-Ostfrees Tamme Hanken of Ministerpräsident David McAllister. De kann kien Platt, kann dat avers verstahn. An’n 26. September is ok Cornelia Ehlers van’t PLATTart-Festival dorbie un jümmers Lüh ut dat Dörp. De Sendung löpp een Mal in’t Maant Clock Elven, ok dit mal. Ick frei mie, wenher Se Tied hebben, dor intokieken. Bit annermal, un munter blieben!!
Ludger Abeln